Die DVD kan by die Akamiekantoor bestel word. Kontak Marietjie Botha by
.
Prys: R50 elk (plus R20 indien dit gepos moet word)
Die Suid-Afrikaanse Akademmie vir Wetenskap en Kuns is in 1909 in Bloemfontein gestig. 'n Hoofoogmerk van die liggaam is die bevordering van die wetenskap, die tegnologie en die kunste asook die bevordering van die gebruik en gehalte van Afrikaans.
Sedert sy ontstaan het die Akademie al meer as 1 000 toekennings vir uitnemendheid gemaak. 'n Gesogte toekenning is die Hertzogprys vir Letterkunde. Die hoogste eerbewys vir natuurwetenskaplike en tegniese prestasie is die goue M.T. Steyn-medalje. Die Akademie is die uitgewer van twee wetenskaplike tydskrifte, te wete die Tydskrif vir Geesteswetenskappe en die Suid-Afrikaanse Tydskrif vir Natuurwetenskap en Tegnologie.
Draer van 'n Droom skets die ontstaansgeskiedenis van die Akademie en gee 'n oorsig oor prestasies wat oor 'n tydperk van 'n eeu behaal is. Die geskiedenis van die Akademie is opgeteken in Pieter Kapp se gelyknamige boek wat by die Akademie verkrygbaar is. Van sy vroegste jare was die Akademie by Afrikaans betrokke. In 1915 het die eerste Afrikaanse Spelreëls verskyn. Twee jaar later was dit die Afrikaanse Woordelys en Spelreëls (die eerste AWS). Die tiende omvattend herbewerkte uitgawe van die AWS het in 2009 - die eeufeesjaar - verskyn. Die kantoor van die SA Akademie is gevestig in die statige ou Engelenburghuis in Arcadia, Pretoria.
Draer van 'n Droom 
